КОНДАК 1

 Избранней воеводе Христовой, благочестивым и многострадальным житием и любовью велицей к ближним стяжавшей свободу от Господа, теплые сыновние молитвы возносим. Помози нам, мати наша, спастися от зла мира сего и Царствие Небесное наследовати, темже тебе тамо узрев, восклицати: Радуйся преподобная Ангелина, мати небесныя благости и милосердия;

 ИКОС 1

 Ангелам подобна сущи, имя ангельское носила еси достойно, Христа возлюбививши и Тому подражавши, богоугодно на земли пожила еси, благочествых и богопрославленных чад роди, и яко матерь истинная о народе сербстем попечение имяше. Велию любовь твою к нищим и неимущим показала еси, тии же с любовию тебе матушкой Ангелиной именоваху. Мы же ти похвалу сию возносим: Радуйся, Небесная твердосте наша;  Радуйся, Духом Святым просвещенная; Радуйся, милосердием позлащенная; Радуйся, сладость доброты изливающая; Радуйся, земле многоплодная Радуйся, отрасле благородный; Радуйся, рода сербского слава; Радуйся, мати наша небесная; Радуйся, молитвенница наша пред Богом; Радуйся, преподобная Ангелина, мати небесной доброты и милосердия;

КОНДАК 2

 Видим тя рождену от родителей благочестивых, мати Ангелина, в роде албанстем, в те поры православнем и вернем, в доме, идеже всякий день послушаше словеса молитвенныя и возносима бысть небесная песнь Господу: Алилуйя;

 ИКОС 2

 Разуму тебе, благочестивая матерь твоя от первых дней наставляла еси, мати Ангелина, да Господа любиши, Тому молишися и на Него упования возложиши, якоже провиде все искушения твои тяжкие в будущем. Тем воспеваем ти сице:  Радуйся, яже измлада добродетели возлюбившая; Радуйся, ангельского имени сподобльшаяся; Радуйся, доброго семени доброе прозябение; Радуйся, благочестивых родителей светлое чадо; Радуйся, благочестия исполненная от младенчества; Радуйся, цвете, любовью Христовой напоенный; Радуйся, серно, млеком Святаго Духа напитанная; Радуйся, птице, к высотам небесным устремленная; Радуйся, яко дар еси велий твоего племени народу сербскому; Радуйся, преподобная Ангелина, мати небесной доброты и милосердия.

КОНДАК 3

 Силою свыше укрепляема возросла еси предивная дево, красоты необыкновенной и мудрости, мати Ангелина, преисполнися евангельских добродетелей, чудесным светом осияваема бяше. Ты же ангельский свой зрак украшаше сладкозвучной песнию Господу щедрот: Алилуйя.  

ИКОС 3

 Имела еси, мати Ангелина, якоже прекрасное древо райское, да благой цвет процветши, во время подобно добрый плод принесеши, чад благочестивых и возвеличенных, ихже Господь благодатию святости прославит, трудов их ради народу сербскому во благо и защиты ради веры православной. Темже благодарне тя величаем:  Радуйся, душею Ангелом подобная; Радуйся, в евангельских добродетелях утвержденная; Радуйся, смиренная и тихая раба Божия; Радуйся, святых Бранковичей похвала; Радуйся, яко питала еси чад своих млеком благочестия Христова; Радуйся, злобных духов победительница; Радуйся, доброт небесных дарительница; Радуйся, мати рода сербского; Радуйся, ласточка Христова, от юга прелетевшая; Радуйся, преподобная Ангелина, мати небесной доброты и милосердия;   

КОНДАК 4

 В землю отечества твоего, преподобная мати Ангелина, отца твоего достиже Стефан Бранкович, деспот сербский, иже бе слеп, гоним и всеми отвергнут. Ты же зрящи его ослепленного в сердце своем радостно воспела Господу Любви: Аллилуиа.  

ИКОС 4

 Взирающе на сего млада деспотовича, исполнялася еси стыдливости небесней, зряще в нем лепоту душевную благородну и благу, и якоже подобает умоли родителей да благословят тебе брак с ним. Мы же своей греховности и нечистоты стыдяся, воспеваем ти мати Ангелина тако: Радуйся, невесто благочестивая слепаго королевича сербского; Радуйся, яко презрела еси тленное богатство; Радуйся, яко просияла еси славой небесной; Радуйся, яко ум управила еси к небесным высотам; Радуйся, яко преселилася еси в обители небесные ; Радуйся, яко наслаждаешися славой неизреченной; Радуйся, яко с материнской заботой с небес на нас взираеши; Радуйся, яко пребываеши во свете неприступнем; Радуйся, яко со Ангелы радуешися на Небесех;  Радуйся, преподобная Ангелина, мати небесной доброты и милосердия;   

КОНДАК 5

 Ведала еси, мати Ангелина, яко житие со слепым супругом, аще и деспот бе, скорбно ти будет и многую горечь принесет ти. Но глас Божий, егоже присно слушала, повелел ти ради высшего блага соединить душу твою с душою многострадального, да отныне вкупе поете Богу: Аллилуиа;  

ИКОС 5

 Господь же, всем жизнь подающий, даде и тебе, мати Ангелина, и верному супругу твоему Стефану трех дивных и благородных чад, Гергия, Иоанна и Мару, да их возрастите во страсе Божии и чистоте евангельской. Темже тя призываем: Радуйся, святая мати, тебе же сыновья превзошли в святости; Радуйся, добрая их наставница во благочестии; Радуйся, светоносная звезда Небесная; Радуйся, усердная защитница наша; Радуйся, веселие в скорбях пребывающим; Радуйся яко все житие свое Господу предала еси; Радуйся, озаренная светом богомыслия; Радуйся, яко веру Православную ревностно хранила еси; Радуйся, теплая и усердная молитвенница народа сербского; Радуйся, преподобная Ангелина, мати небесной доброты и милосердия;   

КОНДАК 6

 Нападоша безбожные агаряне на христианскую Албанию скоро, убивая всех иже пред собою видеша. Того ради переселися, святая Ангелина, с семьей в западную Италию, и вкупе с православными хрианами, идеже там живущих, единодушно воспели Богу: Аллилуиа.  

ИКОС 6

 Зде, преподобная Ангелино, с верным своим супругом Стефаном, прилежно растила чад во страсе Господнем. Абие преставися супруг твой ко Господу, по нем же и дщерь твоя отроковица Мара переселися в духовные обители. Яко серна уязвленна моляше Господа да сохранит сыны твоя, да ти в старости опорой и утешением будут. Скорбя с тобою и мы восклицаем: Радуйся, верная супруга мужа многострадального; Радуйся, благородное древо Христово; Радуйся, яко плод утробы своея Христу принесла еси; Радуйся, яко душу к вышним добродетелям устремила еси; Радуйся, яко до конца Богу верна была еси; Радуйся, яко бесовское лукавство аки паучину разметала еси; Радуйся, мудрым девам во Царствии Небеснем приятельнице; Радуйся, в светильнике своем елей сохранившая; Радуйся, со славою Женихом Небесным принятая; Радуйся, преподобная Ангелина, мати небесной доброты и милосердия;   

КОНДАК 7

 В нищете и скорби живущи, преподобная Ангелина, умоли царя угорскаго Матия, он же тебе и чадам твоим подари град Купиново в земли сремской на реке Савве, да будете князья народу сербскому. Народ же сербстий тя аки родную прият, аще и чужеземка была еси и благодарно возглашаху Богу: Аллилуиа;  

ИКОС 7

 Новое бесценное сокровище и благословение Божие многострадальному народу сербскому, принесла еси, преподобная Ангелино, святые и нетленные мощи мужа твоего, святаго Стефана, егоже Господь по смерти абие прослави и многая чудесная исцеления являше. Благодарный же народ со слезами радости пояше тебе сице:  Радуйся, благословение Господне народу сербскому; Радуйся, яко православных благодатью Божией озаряеши; Радуйся, яко грешных к покаянию приводиши; Радуйся, яко в сердца верующих страх Божий насаждаеши; Радуйся, яко здравие душевное и телесное многим даровала еси; Радуйся, яко токмо от Царя Небесного славы взыскала еси; Радуйся, яко земную суету вресноту презрела еси; Радуйся, яко с радостию крест свой за Христом несла еси; Радуйся, яко возлетела еси ко горнему Царствию; Радуйся, преподобная Ангелина, мати небесной доброты и милосердия;   

КОНДАК 8

 Первым сын твой Георгий, преподобная Ангелино, прият чин княжеский от царя угорского, последи же монашество избра, тем младший Иоанн поставлен бысть вождем народа сербского. Имея упование крепкое на Господа, укрепляла еси его в несении бремени тяжкого, моляся о помощи Божией с благодарной песней: Аллилуиа.  

ИКОС 8

 Таже паки скорбь порази сердце твое, преподобная Ангелино, сын бо твой Иоанн млад сущ преставися ко Господу. Обаче и его прославил скоро Господь и скорбь твоя обратися на радость велию. Смуты в Среме уклоняяся, появ святыя мощи Иоанна и Стефана, и сына твоего монаха Максима, прешла еси в землю Влашскую. Тем тя величаем: Радуйся, яко плод твоея утробы благолепно украшает Церковь Христову; Радуйся, трапеза многоразличных даров Божиих; Радуйся, любовию Христовой преисполненная; Радуйся, яко ангельское житие на земли пожила еси; Радуйся, ризница пребогатая благодати Божией; Радуйся, мати всех скорбящих и болящих; Радуйся, яко постом, бдением и молитвами богатство небесное стяжала еси; Радуйся, яко Христос тебе в боготканные одежды облече; Радуйся, яко Христос тебе венцем Царствия Своего украси; Радуйся, преподобная Ангелина, мати небесной доброты и милосердия;   

КОНДАК 9

 Тамо посреди влахов сын твой Максим бе рукоположен в митрополита, мати Ангелино, ты же с ним ради неизмеримыя любви своея ко всем и вся, много добра сотвори народу тому, иже того ради в радости взывали Богу: Аллилуиа.  

ИКОС 9

 Ветия небесныя Ангели не возмогут изрещи дброты и величия твоего, мати Ангелино, некоторому бо времени минувшу поиде заново в Срем с сыном ти Максимом и монастырь Крушедол возгради, идеже положиста мощи святаго Стефана и святаго Иоанна на радость измученнаго народа Сербскаго. Радуяся и мы с ними, благодарим тя: Радуйся, светлая звездо во тьме мира сего Радуйся, просвещение во тьме неверия Радуйся, полков демонских храброе отгнание; Радуйся, и ныне надеждо оставленных; Радуйся, единственное теплое прибежище бедствующих; Радуйся, лоза плодородная вина Небеснаго; Радуйся, яко слава твоя сквозь века поминается Радуйся, яко мнози к тебе в боли притекают; Радуйся, яко потоцы слез у мощей твоих проливаются; Радуйся, преподобная Ангелина, мати небесной доброты и милосердия;   

КОНДАК 10

 Спасение всем творяй Господь по мале времени сына твоего Максима тожде взят от земных на небо, осталася же еси едина, мати наша Ангелино, проводивши со слезами от мира сего твоих сродник, возгради женский монастырь в селе Крушедоле и облечеся в черную одежду покаяния, да тако поеши: Аллилуиа   

ИКОС 10

 Стена еси бе народу Сербскому и едина верная защитнице, егда святой Максим прославися, мати Ангелина, благолепно жизнь твою взирала еси чад твоих Богом благословенных и со святыми сопричтенных. Сего ради вяще предадеся подвигу и делом милосердия. Тем ти такия похвалы возносим: Радуйся, яко монастырь Сретения Господня возградила еси; Радуйся, яко монашескую одежду достойно носила еси; Радуйся, яко многия слезы покаяния пролила еси; Радуйся, яко земное богатство на Небесное пременила еси; Радуйся, яко узников в темнице посещала еси; Радуйся, яко милостию многих утешила еси; Радуйся, источниче исцелений неисчетных; Радуйся, упокоение больных и немощных; Радуйся, огню изобильный любве Божия; Радуйся, преподобная Ангелина, мати небесной доброты и милосердия.  

КОНДАК 11

 Пение Богу страна Сремская возсылает, ты бо, мати Ангелино, воздвигаеши церкви и монастыри, утешаеши и помогаеши убогим и бедным, тии же тя с любовью и лаской справедиво называют – матушка Ангелина, восхваляя Бога яко послал еси тебе: Аллилуиа.  

ИКОС 11

 Свято и богоугодно поживши, последи и ты упокоися от превелиих трудов твоих, мирно почив о Господе, мати Ангелино, погребена же телом бысть в монастыре твоем женском. Душу же твою Ангелы, ихже ты имя ношаше, отнесоша к чадом твоим и супругу, да вечно радуешися с ними. Тем ти благодарно вопием:  Радуйся, надежда безнадежных; Радуйся, исцелениеи болящих; Радуйся, пробуждение спящих духовно; Радуйся, покаяние грешных; Радуйся, помоще беспомощных; Радуйся, свет помраченных; Радуйся, радование скорбящих; Радуйся, утешение отчаянных; Радуйся, слава монашествующих; Радуйся, преподобная Ангелина, мати небесной доброты и милосердия.  

КОНДАК 12

 Благодати Божий изволися, мати Ангелина, некоему времени истекшу обретошася святыя нетленные мощи твоя, со всяким же благочестием и торжеством пренесены быша в монастырь Крушедол и положены в раку к сыну твоему святому Иоанну. Таже множество народа сия созерцающи, воклицаху радостно Богу: Аллилуиа.   

ИКОС 12

 Поем честную память твою, аще безбожные турки изрубиша и сожгоша святыя мощи твоя и твоих святых чад и супруга. Сохранися нам едина рука твоя, преподобная мати Ангелина, еюже аки истинная матерь милуеши нас и благословение Божие на нас призываеши, егда к тебе в монастырь Крушедол притекаем и со слезами помощи твоей испрошаем. Темже, матушка наша, от всего сердца сицевыя похвалы тебе возносим: Радуйся, яко в тихое вечное пристанище душа твоя достиже; Радуйся, яко и по смерти жива являешися; Радуйся, яко сторицею от Бога награду за труды приняла еси; Радуйся, яко иконы твоя многия храмы украшают; Радуйся, яко прославляеши прославляющих тя; Радуйся, яко верных ко Господу приводиши; Радуйся, яко молишися о спасении мира; Радуйся, яко мощи твоя светом чудес сияют; Радуйся, монастыря Крушедола вечная игумения; Радуйся, преподобная Ангелина, мати небесной доброты и милосердия.   

КОНДАК 13

 О, святая мати Ангелина, упование наше и защито, услыши моливенный глас сей, и помози нам, чадам твоим, да очистимся от греха и всякой нечистоты, да с благим упованием отыдем из мира сего, аще если и последнии будем во Царствии Небесном, идеже вси радостно поют Господу: Аллилуиа.   

(этот кондак читается три раза а затем снова икос 1 и кондак 1, после них молитва)

МОЛИТВА

 О, преподобная Ангелина, мати наша добрая и милостивая, помози нам, чадам твоим непослушливым. Ты еси матерь наша благая, скорбное житие на земли пожила еси, обаче с помощью Божией, победы в битвах храбро стяжала еси и душа твоя в свет Царствия Небеснаго радостно вселися.

  Твои домашния Церковь Христову украсиша и позолотиша твоими святым супругом Стефаном и сынами Иоанном и Максимом. Имела еси сердце неизмеримо большое и сострадательное ко всем, находящимся в беде. Потому благочестивый сербский народ звал тебя лучшим из слов дарованных Богом – матушка. Яко ты еси мати всех нас, сербов, твоих, которые, аще и согрешиша много, обаче любим тя и почитаем и к тебе за помощью притекаем.

  Кая бо матерь детей своих возненавиде, аще и согрешат зело? Ни, но мудро наказует их, любити же не престает. Поэтому и ты, мати наша добрая, накажи нас с небес, бичом Божиим, но не оставляй нас без твоей любви. Десницей правды Божией покарай нас, а десницей любви укрепи и верни с путей неправедных на путь истины и добра.

 Молимся тебе, мати добрая, молитвами твоими испроси нам благословение небесное: болящим здравие, немощным силу, отчаявшимся надежду, голодным хлеба насущного, безплодным чад, гонимым кров и утешение, и всем молящимся тебе подай по великой милости с твоей просимое. Но и еще больше даруй нам, мати наша добрая, благ небесных души очищающих, укрепляющих нас в исполнении заповедей Божиих, ведущих нас к добру и уводящих от всякого зла. Ибо если не бежим от зла в мире сем, как убежим от него в ином мире, если не очистимся здесь от грязи, как сможем там, где смотрят на то что отсюда несем.

 Помози нам умрети миру сему, якоже и ты миру мертва бысть, возжелавши блага непреходящего и вечнаго. Пусть и наше благо на небесах будет, дабы и сердца наши на небесах были, а не здесь, идеже все гниет и исчезает, идеже вор крадет, и моль и ржа тлит. Аще бо все силы своим положим на блага мира сего, за горсть праха земного, юже ниже с собой возьмем, тем и ты нам помощи не возможеши, мати наша благая. Аще же немного потрудимся, хотя мало возопиим ко Господу чрез тебя, невесту Его небесную, таже помощь твоя изольет неисчислимые блага небесные, иже укрепят нас на узком пути спасения, аще и сотни смертей нам предстанут.

 Воистинну душа наша вся грехами разодрана и бедна добродетелью, милосердный же Господь уготова лекарство – покаяние. Да родится в нас, хотя малая часть того истинного покаяния, еже Господу принесла еси, мати наша святая. Оживи божественное в душах наших твоими теплыми слезами, яже изливаеши на всяк день о роде сербстем, да уразумеем бездну долгов наших пред Богом, Он же прощает долги наши, аще искренно и слезно попросим Его о прощении.

 Темже смилуйся, матушка наша Ангелина, крушедольская святая игуменья, и помози нам спастися ото всякого зла, дабы однажды твоими молитвами ко Господу, вошли в покой Царства небесного, идеже вси благодарно прославляют Святую Единосущную и Нераздельную Троицу, Отца и Сына и Святого Духа, ныне и присно и во веки веков. Аминь.  

Память – 30.07/12.08

Перевод с Сербского языка Светланы Луганской